Plantun de Prouvènço

Pèr coumpara dos planto d'encò nostre

Cuscuta planiflora & Fumaria parviflora

Péu-de-lin(-di-flour-plano)

Cuscuta planiflora

Convolvulaceae

Àutri noum : Péu-de-lin, Péu-de-damo, Rasco, Barbo-de-mouine, Cuscuto.

Nom en français : Cuscute à fleur plane.

Descripcioun :
Lou péu-de-lin-di-flour-plano douno d'èr à Cuscuta epithymum, pamens li flour soun blanco e pu pichoto. Es uno planto coumuno en basso Prouvènço au contro de sa cousino que mounto mai. Se n'en destrìo subretout que li sepalo an de lobe redoun e pas pounchu. Bessai que s'agirié de la memo meno qu'eisisto de bastard.

Usanço :
Li péu-de-lin soun pas acampa au nostre. Caupon un glucoside, la cuscutino, qu'ajudo à caga e à secreta la bilo. La cuscuto de Chino, Cuscuta sinensis, èi vertuouso contro li proublèmo de proustato e d'ourmono encò lis ome o li femo. Se chabis en gelulo dins lou coumèrci. Tant se poudrié que siegue parié pèr li nostre.

Port : Erbo
Taio : 10 à 30 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Cuscuta
Famiho : Convolvulaceae

Ordre : Solanales

Coulour de la flour : Blanco
Petalo : 5
Ø (o loungour) enflourejado : 4 à 6 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à avoust

Liò : Tepiero seco - Relarg à jóuinis aubret
Estànci : Termoumediterran à Coulinen
Couroulougi : Éurimediterrano
Ref. sc. : Cuscuta planiflora Ten., 1829

Fumo-terro(-di-pichòti-flour)

Fumaria parviflora

Papaveraceae Fumariaceae

Nom en français : Fumeterre à petites fleurs.

Descripcioun :
Aquesto fumo-terro trachis dins li champ cultiva e lis ermas. Se recounèis à si pichòti flour blanco (<7 mm) emé uno pouncho pourpro, e a si sepalo mistoulino (< 1 mm). Li darrrié tros di fueio soun forço prim (< 1 mm peréu) au contro de li de Fumaria vaillantii que fan mai. Poudès tambèn regarda li bratèio que devon èstre pu longo que li pecou du fru (soun bèn mai court encò Fumaria vaillantii).

Usanço :
Poudèn pensa que soun li mémis usanço que sa cousino Fumaria officinalis, mai n'en sabèn pas mai..

Port : Erbo
Taio : Pancaro entresigna
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Fumaria
Famiho : Papaveraceae
Famiho classico : Fumariaceae

Ordre : Ranunculales

Coulour de la flour : Blanco Roujo
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 1200 m
Aparado : Noun
Remarco : Champ cultiva

Liò : Champ cultiva - Champ
Estànci : Termoumediterran à Coulinen
Couroulougi : Pancaro entresigna
Ref. sc. : Fumaria parviflora Lam., 1788

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Cuscuta planiflora & Fumaria parviflora

ges

Coumpara Péu-de-lin(-di-flour-plano) emé uno autro planto

Coumpara Fumo-terro(-di-pichòti-flour) emé uno autro planto